امبارح جابولي شمار حاااااااااااااااااااار
(جميع الاسماء في هذه القصة ليست حقيقية فاذا قرأت اسمك ما تجيب اصحابك وتقوليهم عاينو القصة دي عني اوكي)
القصة من البداية
انا عندي صحبي اسمو بيق مو عندو قيرل فرند سنطلق عليها في هذه القصة اسم "سمسم القضارف"
وصاحبنا ياهو ركس دا زاتو نحنا تلاتة فرد او كنا تلالتة فرد
يلا ركس ده عاجباهو سمسم القضارف للدين قام ضربليها وقاليها بيق مو ده بقول انتي بيتش و ما بت ناس وحاجات زي دي يعني فتن بينهم (عليكم الله دي حركة بعمله راجل) قامت سمسم خلت بيق مو وبقت تمشي مع ركس
المهم في واحد فردتنا برضو حنسميهو لاسباب قانونية "عيش" بقره مع سمسم في جامعة وحدة المهم امبارح ركس وعيش كانو قاعدين مع بعض قامت سمسم ضربت لي عيش واتشاكلو ( ما عارف ليه لكن حاعرف قريب ) قام عيش فتح الاسبيكر ونبز سمسم قدام ركس وركس قاعد ساكت ساي لانو كان فتح خشمو عيش بركبو هو زاتو ( ما من البداية قلنا ما راجل ) وسمسم حرقته حكاية انو ركس قاعد وما دافع عنها المهم ركس مشة البيت ضرب لسمسم اعتذرليها وقعد ينبذ في نفسو وقاليها انا جبان انا جبان وطااااخ البت اتخلعت قالتليهو ده شنو الصوت دا قاليها انا زعلان من نفسي عشان انتي زعلانة مني قمت ضربت راسي مع الحيطة ( كثم دي دراما ولا افلام عبد الحليم حافظ )
انا الشمار وصلني لغايت هنا لو حصلت تطورات بجي اوريكم ليها
bob was the hope
Subscribe to:
Post Comments (Atom)
No comments:
Post a Comment